Старык возера

Возера Старык размешчана на тэрыторыі Гомельскага раёна Гомельскай вобласці і адносіцца да басейна ракі Сож. Возера з'яўляецца водным аб'ектам старычнага тыпу. На поўначы вузкай пратокай злучана з безназоўным старычным возерам, з ракой Сож - на захадзе, а на ўсходзе - упадае ў раку Студзянец. Вадаём знаходзіцца на ўзгорыста-градзістай, пераважна зарослай густым лесам і хмызняком, месцамі балоцістай мясцовасці.

На вадаёме дазволена бясплатная аматарская рыбалка. У возеры водзяцца карась звычайны, лешч, акунь, плотка, а таксама сом, шчупак.

На беразе Старыка знаходзіцца гасцінічны комплекс «Ранча», створаны ў стылі Дзікага Захаду, які зможа распаліць ўнутраны агонь сапраўднага каўбоя і натхніць на новыя прыгоды.