Вусач звычайны

Вусач звычайны (Barbus barbus) — рыба сямейства карповых, якую лёгка можна адрозніць ад большасці іншых карповых рыб па наяўнасці двух пар вусікаў. Анальны і спінны плаўнікі кароткія. Мае невысокае цела. Спіна ў вусача аліўкава-зялёная, а жывот белы.
У Беларусі вядома 13 лакальных месцаў пражывання, у асноўным гэта рэкі, якія ўпадаюць у Балтыйскае мора - Нёман, Вілія, Зап. Буг і іх буйныя прытокі (Зап. Бярэзіна і Шчара), Дняпроўскі вусач жыве ў р. Дняпро і яго прытоках (Бярэзіна, Друць, Прыпяць, Сож).