Выдра рачная

Выдра рачная (lutra lutra). Распаўсюджана па ўсёй тэрыторыі Беларусі і з'яўляецца звычайным абарыгенным відам фаўны. Выдра абітае на вадаёмах. У Беларусі на вадацёках (рэках, каналах) яна жыве пастаянна, а ў стаялых вадаёмах (азёрах, вадасховішчах, рыбаводных сажалках) – звычайна толькі ў безлядовы перыяд, бо ў ледастаў тут амаль няма доступу да вады. На працягу года ўпадабанымі вадаёмамі для выдры з'яўляюцца адносна паўнаводныя, хуткабягучыя рэкі з стромкімі, парослымі расліннасцю берагамі, асабліва, калі яны працякаюць праз ледніковыя азёры. Такія рэкі характарызуюцца вялікімі запасамі рыбы, слаба абмежаваным доступам да вады падчас ледаставу і добрым ахоўнымі ўмовамі, што забяспечвае спрыяльныя ўмовы пасялення выдры. Меней шчыльна засяляюцца выдрай павольнацякучыя рэкі, дзе доступ да вады ў пачатковы перыяд ледаставу моцна абмежаваны. Выдра ахвотней засяляе рэкі, у пойме якіх шмат азёр і старыц. У іх шмат рыбы, а гэта значна паляпшае яе кармавыя ўмовы. Колькасць выдры ў цяперашні час складае 4,7 тысяч асобін.